Հիմներգն ավելի մասսայական դարձնելու նպատակով «ԵՊՀ շրջանավարտների միավորումը» կազմակերպեց հիմներգի կատարման մրցույթ: Մրցույթին ներկա էր նաեւ հիմներգի հեղինակը:
Մրցույթին մասնակցելու հրավերին արձագանքել էին Հայ բանասիրության, Ռոմանագերմանական բանասիրության, Մաթեմատիկայի, Տնտեսագիտության, Փիլիսոփայության եւ հոգեբանության, Միջազգային հարաբերությունների ֆակուլտետները: Մրցույթի արդյունքում ընտրվեցին երեք լավագույնները: Ձեզ ենք ներկայացնում ԵՊՀ հիմներգի մրցույթի ժյուրիի որոշումը` (նախագահությամբ կոմպոզիտոր Ռ. Ամիրխանյանի). Մրցանակային տեղեր. Առաջին տեղ` Հայ բանասիրության ֆակուլտետի երգչախումբ, Երկրորդ տեղ` Ռոմանագերմանական բանասիրության ֆակուլտետի երգչախումբ, Երրորդ տեղ` Մաթեմատիկայի ֆակուլտետի երգչախումբ, Խրախուսական մրցանակ` Փիլիսոփայության և հոգեբանության ֆակուլտետի երգչախումբ:
Մրցանակային ֆոնդը բաշխվել է հետևյալ կերպ.
- Առաջին տեղ` 300.000 դրամ,
- Երկրորդ տեղ` 250.000 դրամ,
- Երրորդ տեղ` 200.000 դրամ,
- Խրախուսական մրցանակ` 50.000 դրամ:
Ընթացիկ ամսվա ընթացքում տեղի կունենա պաշտոնական արարողություն, որի ժամանակ հաղթող երգչախմբերին կհանձնվեն մրցանակները: