Հարգելի՛ շահառուներ,

Տեղեկացնում ենք, որ «Վերածնունդ» երիտասարդական ավանի 7-րդ մասնաշենքի կառուցման շինարարական աշխատանքները մոտենում են ավարտին:

Ըստ այդմ նախատեսվում է բնակարանների հանձնման գործընթացը մեկնարկել 2024 թ. փետրվարի 24-ից և իրականացնել ամեն շաբաթ օր:

Յուրաքանչյուր շահառու անհատապես կծանուցվի (հեռախոսազանգի, կարճ հաղորդագրության կամ էլեկտրոնային նամակի միջոցով) իր բնակարանի հանձնման օրվա և ժամի մասին:

Բնակարանի հանձնման-ընդունմանն անհրաժեշտ է ներկայանալ անձնագրով և էլեկտրամատակարարման միացման վճարի վճարման անդորրագրով:

Հանձնման գործընթացին զուգահեռ մեր կողմից հետևողական միջոցներ են ձեռնարկվում ընդհանուր օգտագործման տարածքների բարեկարգման և արտատարածքային ենթակառուցվածքների մոնտաժման ուղղությամբ, որպեսզի հնարավորինս սեղմ ժամկետում 7-րդ մասնաշենքը ևս հանձնենք շահագործման: